Ok dat nog! - Angelierd

Alwér zóvul jaor geleje
Krege weej dit ángelieërd
Ien ‘n gek pekske gehese
Verstand òp nul en doet már mit
Geluuëf dat gen zit echt wel ien òw
Dat gave weej án urlie dur
Mák ‘t òw aege en belaef ‘t
Want dit kòmt ieder jaor terug

Refrein:
As weej már beej mekaar zien, oh-oh
Dan viend ’t vastelaovendsbloed zien weg
As weej már beej mekaar zien, oh-oh
Dan wieët ik dat ‘t goēd zit, en ik zeg..
Klinke weej de glaze, oh-oh
Belaeve weej 't same, oh-oh
Viere tot ‘t naacht werd, oh-oh
Weej waachte elk jaor wér òp d’n tied
Dat vastelaovend begint…

Weej zien nòw hieël wat jaore âlder
En drinke gaer ‘n biērtje mit
Thuus án de toffel de verhale
Kiēkend nor òs geschminkte snuut
Geniete van mojje memente
Dan staot d’n tied hiēr efkes stil
Dizze traditie gaeve weej wér dur
Mit liefde, steeds már wér òpneej

Refrein (1x)

Oh, oh-oh-oh-oh Klinke weej de glaze
Oh, oh-oh-oh-oh Belaeve weej ’t same
Oh, oh-oh-oh-oh Viere tot ‘t naacht werd, naacht werd
Oh, oh-oh-oh-oh Viere tot ‘t naacht werd, naacht werd

Refrein (1x)

Tekst: Ok dat nog!
Meziek: Fiasko