Vastealovend 2023 zit d'r wér op. 'T was wér 'n moj seizoen dat al ien oktoeëber begos mit vervolgens òs 6x11 jubileejum ien november en dat carnavalsdinsdág 21 fibberwarie zien làtste hoeëgtepunt kende.
We hebbe wér 'n volwaardig seizoen kunnen draeje, wat was dat moj!

Weej wille alle sponsore, vrijwillgers en kemissies hieël erg veul bedanke vur hun ienzet en iederieën din beejgedrage hed án dit fantastisch seizoen. Már zeker ok de joekskapellenen en alle artiesten vur hun geweldige klanke.
Már we wille ok gaer alle bezuukers van alle activiteiten bedanke vur òwlie komst!

Names Prins Rob d'n Derde en zien Karin, 't boerebruudspaar Tom en Janneke, 't jeugtrio Daan, Gijs en Tygo en de leeje van de carnavalsverieëneging: HIEËL VEUL BEDANKT vur enne prachtige vastelaovend!

Már as behieërder van dees site wil ik 'n ántal persoeëne ien het biezoonder bedanke, die d'r vur hebbe gezörgd dat dees site ok ienhâld hed.
Nelly van Osch, Roy Janssen, Rochelle Cremers, Roel Hendriks, Marieke Jenneskens, Jop Janssen en Bart Loonen hartstikke bedankt vur 't make van de foto's.
Rick Cremers, Tonny Theunis, Toon Jenniskens en Theo Litjens hieël veul bedankt vur 't make van de filmpkes!
Sinds dit seizoen werd òs Instagram en Facebook pagina dur Daan van Well behieërt. Kél, wat hedde geej daor enne mojje draej àn gegaeve!

Dur al dees meense is 't 365 daag per jaor carnaval òp dees site en òp social media!
'T digitale Knölleke laeft às noeëts te veure. We wille dan ok iederieën bedanke vur alle correcties, opmerkingen, reacties en complimenten aover dees site!

Laef, lach en geniet! Tot ien novembér!