Boerebruudspaar 2025

Tiejes ’t Liedjesfestijn van ’t Knölleke uut Luuëne òp 4 jannewarie wiēr ’t boerebruudspaar van 2025 bekend gemákt.

’T Boerebruudspaar van 2025 is gewaore:

Leon & Christianne
Jacobs

Leon (49) en Christianne (49) zien ien ‘t dageleks laeve ok ‘n stel en woeëne àn de Steegse Peelweg mit hun 3 kiender Fenne (17), Stijn (15) en Daan (12).

Leon waerkt as assistent Hoeëfd Technische Dienst beej Dutch Bakery ien Lampegat (Eindhoven). Heej zörgt d'r oonder ândere vur dat alle mesjienes goēd bliēve draeje zoeëdat d'r àfbakbrödjes gemákt kunne werre.
Ien zien vreeje tiēd mákt Leon mit 'n àntal kámmeräöj gér 'n ruundje dur de bôs mit d'n mountainbike. Daornaeve is heej druk mit de verbówwing van hun huus.

Christianne is lieërkrácht beej SOOOL 10-14 ien 't Dreumelriek (Horst). Zeej gaeft daor les án 'n kombinasiegroep 4,5,6.
In ur vreeje tiēd speult zeej, same mit 'n paar vriendinne, tennis beej tennisclub LVH ien Luuëne. Daornaeve is ze al mieër dan 30 jaor lid van Muziekvereniging Nooit Gedacht ien 'r geboartedörp Wellerloi. Ok helpt zeej mit organisieëre van 't voetbal- en korfbalkmap vur de Jeugd van SV Leunen / Oranje Wit.

‘T gezelschap bestöt verder uut:
Elders bruud: Rianne Peeters en Marieke Hendrix
Elders bruudegom: Marcel Asveld en Silvie Cox
Getuuge bruud: Stijn Jacobs en Daan Jacobs
Getuuge bruudegom: Fenne Jacobs en Britt Peeters
Soekertantes: Imke Smits en Sabine Walraven
Ambtenaar: Sander Peeters
Veldwaachter: Ralf Smits
Sirremoniemaester: Paul Hendrix

Leon en Christianne zulle òp carnavalsdinsdág 4 márt um 16.00 uur mit mekaar ien d’n ònecht werre verboonde.

Foto: Jordi Smeets