Jeugdkwartet 2025: Joep, Meike, Siem en Suze

Nao 'n prachtige Groeëte Talentenshow was 't tied um 't  Jeugdkwartet án Luuëne vur te stelle. 

Dit jaor bestöt 't kwartet uut:

Jeugdprins Joep d’n Urste (Joep van der Heijden)
Jeugdprinses Meike d’n Urste (Meike Smits)
Jeugdvorst Siem (Siem Jansen)
Jeugdnar Suze (Suze van de Molengraft)

Ze zitte âlle vier òp 't vurtgezet onderwies òp 't Raayland College.
Of 't nów göt um sporte, game, dânse of gewoeën lekker chille mit vriende, ze make d'r âltied iets leuks van.

Jeugdprins Joep wònt same mit zien elders Leon en Jenny en zus Lieke òp de Pascherhof ien Luuëne.
Zien hobby's zien voetballe, game en sporte.

Jeugdprinses Meike is ien d'r vreeje tied druk mit dänse, synchroonzwemme en chille mit ur vrienden en vriendinnen.
Ze wónt mit vader Barry, moeder Kelly en bruurke Rens án d'n Blankenberg.

Jeugdvorst Siem is duk te viende òp 't voetbalveld of same mit zien vriende.
Heej wónt mit moeder Annemiek ien Luuëne of mit vader Patrick ien Oeëldere.

Jeugdnar Suze wónt mit vader Ron en moeder Kristel en hur bruur Daan àn de Sint Catharinastraot.
Ur grötste hobby is dânse beej Danshuis Venray.

Dit kwartet göt same mit de raod, dansmarietjes en jeugdleiders d'r enne mojje carnaval van make.

Mit hun leus "Dees daag is de schól ien 't slot, dizze vastelaovend kan vur òs nie mer kepot!" göt dit kwartet same mit de jeugd uut Luuëne veuróp mit carnaval.

't Jeugdkwartet hâld òp vreejdag 7 fibberwarie um 19.00 uur hun receptie ien de Baank, waor geej de meugelekheid hed um hun te fillicitieëre.

Persbericht

Foto: Jordi Smeets