Twieë aovenden vól programma mit Buut, Dans en Meziek. Laot ów verrasse én vermáke dur aege dörpse artieste, már ók van wied daor buute.
Weej zien urlie gaer 17 óf 18 jannewarie ien De Baank. Kártjes kóste € 13,50 (inclusief garderobe). 

Leeje én vrienden van ’t Knölleke hebbe vanaf 16 t/m 22 november al de kâns um maximaal 4 kártjes mit veurrang te bestelle via de speciale link die ge ien òw mail hed ontvange. Hedde die mail nie ontvange, mail dan efkes naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. zoeëdat weej dat ien order kunne make.

De vreeje kaartverkoeëp start zaoterdág 23 nóvember tiejes ‘t Prinsenbal. Daor nao zien de kártjes online of beej Partyservice & Slagerij Verkoeijen te koeëp.  
!!! NEEJ !!! Gén tied um kártjes te hale? Bestel ze via online via dees site 

Ruum twintig jaor geleeje zien we begonne mit 'n website vur os verieëneging te make. Waor we ien 't begin bliej ware dat we 'n paar pagina's online hán staon, zie we ok gauw aechtig begonne um foto's uut verleeje online te zette.
Ien al die jaore is d'r veul verânderd. De website mós ok óp enne tillefoeën te bekieke zien en social media wier steeds belangrieker. Ienmiddels staon daor mieër dan 60.000 foto's online, de tekst van alle liedjes van de Liedjesmiddag/Liedjesfestijn waorvan ook veul mit meziek en enkele hoonderden filmpkes.

Wat nie is verânderd is dat weej probieëre òs site âltied up-to-date te hâlde en vulle nog steeds de historie pagina's veur en nao án.
We hebbe dus ok vur òs neeje website zoveul meugelek probieëre te behâlde wat we al hán staon, már mit name 't platform op de aachtergroond verneejd en de website 'n moderner jeske gegaeve.

We hope mit dees site d'r wér 'n paar jaor tege te kunne.
Hedde nog ànvullingen, correcties of opmerkingen aover dees site, neem dan gerust contact òp mit òzze webmaster.

Veul kiekplezier!

PR Kemissie CV 't Knölleke
Esther, Daan en Gerton

Op 11 oktoeëber zien weej 't neeje carnavalsseizoen wér begonne mit òs Algemaene Leejevergadering. 
Tiejes dees vergadering hebbe d'r 'n paar wisselingen pláts gevoonde beej de raod.

Martijn Kuenen is vanaf 2006 lid gewist van de Raod van Elf en hed te kenne gegaeve te gaon stoppe.
Heej hed zich altied bezig gehâlde mit de technische zaken. Van d'r vur zörge dat alles òp de prinsewages bewaegt, tot 't make van confetti en CO2 kanonnen. Van lasse van constructies tot zörge vur 't licht en geluid.
Daorbeej zaat Martijn ok in de kemissie Lönse Meens Live. Martijn bedaankt vur òw jaore lange ienzet vur òs verieëneging.

Toon Janssen hed nao 33 jaor roadslid te zien gewist àn gegaeve às raodslid te stoppe. Ien 2003 was heej prins van 't Knölleke.
In al die 33 jaor hed heej hieël veul dinge vur òs verIeenigng gedaon en zal sommige dinge ok blieve doen.
Heej is al jaore lang lid van de CUP (Commissie Uutkomme Prins), zörgde d'r vur dat òs hoeëgheeje veilig de prinsewages op en af kosse, zörgt vur 't opbouwe en opruume van de zaal, hed hieël wat jaor mit de zitting mit de Âld Prinsen mit gedaon en haaj volgens de raod ieën van de belangriekste functies binne de raod: Opperschenker.
Toon is vur zien jaorelange lidmaatschap benoemd tot Ieërelid van òs verieëneging. Proficiat Toon mit dees benoeming!

Nick Heijnen, Guus van der Markt, Ben Klein Overmeen, Bram Litjens en Niels Koenen komme vanaf dit seizoen de raod verstaerke!
Kéls, van harte welkom en veul plezier beej de raod!

Weej wille iederieën bedaanke den op òs gestemd hed vur de RaboClubSupport actie. Dankzij owlie stemme moge weej dees mojje cheque ien ontvangst neme. Mit dees extra stieëntjes bowwe weej mit veul schik án unne neeje Vastelaovend, án de toekomst en de jeugd!

Beste jeugd uut Luuëne!

Méschien zien weej wel òp zuuk naor òw, want we gaon de jeugdraod wér samestelle.

• Ge mot òw vurtán vur elk neej seizoen ànmelde (de âlde ànmeldingen en waachtliëste komme te vervalle)
• De groepsgröte is flexibel
• Às ge òw ànmeld vur 15 september, zitte d'r gegarandieërd beej
• De jeugdraod is nie allieën vur jongens!

Waor motte àn voldoen?
• Ge zit òp 't vurtgezet onderwies en òp 11-11-24 ziede 15 jaor of jonger
• Ge wónt ien Luuëne (of ge he d'n staerke biending mit Luuëne)
• Ge wilt d'r mit carnaval 'n groeët fieëst van make!

As dat zoeë is, meld òw dan snel aan vur de jeugdroad, dânsmarietje of méschien wilde wel prins(es), vorst of nar werre!

Às ge nog vraoge hed dan kunne via dit formulier contact mit òs op neme.

Roy, Bart en Irma

Òk dit jaor doēn weej wér mit án de Clubsupport-actie van de Rabobank. Mit dees extra stieëntjes bowwe weej mit veul schik án unne neeje Vastelaovend, án de toekomst en de jeugd! Ziede lid van de Rabobank, dan kunde stemme via www.rabobank.nl/clubsupport of via de app. (Stemme kan vanaf 2 september)

Bericht vúr alle nachtegaaltjes, tekstschrieëvers en muzikânte van Luuëne…

De lieëne vúr het Liedjesfestijn zien geoopend tot 1 september!

Ienschrieve: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of via dit formulier

Wie volgt Huubse Leen op ás winnaar van 2025?

Liedjesfestijn zal pláts viende òp:
Zaoterdág 4 jannewarie 2025

Vastealovend 2024 zit d'r wér op. 'T was wér 'n moj seizoen dat ien nóvvember begos en dat carnavalsdinsdág 13 fibberwarie zien làtste hoeëgtepunt kende.

Weej wille alle sponsore, vrijwillgers en kemissies hieël erg veul bedanke vur hun ienzet en iederieën din beejgedrage hed án dit fantastisch seizoen. Már zeker ok de joekskapellenen en alle artiesten vur hun geweldige klanke.
Már we wille ok gaer alle bezuukers van alle activiteiten bedanke vur òwlie komst!

Names Prins Stan d'n Urste, Adjudanten Kai & Roel en hun megjes, 't boerebruudspaar Thomas en Claudia, 't jeugdkwartet Milan, Anna, Floor en Tum en de leeje van de carnavalsverieëneging: HIEËL VEUL BEDANKT vur enne prachtige vastelaovend!

Dees site zeuj d'r hieël kaal uut zien zoonder foto en videomateriaal, de makers daorvan: Dankewel!
Dit jaor hebbe we ok es kritisch gekeke nao os aege PR.
We hope dat ge hed gemerkt dat Esther Lap, Daan van Well en Gerton Peeters mit ondersteuning van Clint Lucassen en Rob Pijpers hier 'n neeje draej àn hebbe gegaeve.
Wat meschien wel 't maeste ien 't oeëg sprong, ware de prachtige ànkondigingsposters die zien gemákt vur òs activiteiten. Die posters zien gemákt dur Jop Janssen, Arno Geurts en Daan van Well. Kéls bedankt daorvur!

'T digitale Knölleke laeft às noeëts te veure. We wille dan ok iederieën bedanke vur alle correcties, opmerkingen, reacties en complimenten!

Laot òw nie gek make, dat doēn weej wel! Tot ien novembér!

De uutslag van de óptocht was as volgt:

Muziek-gezelschappen
1 Joekskapel Krom dur d`n Bocht 380,0 ptn.

Jeugd Kleine Groepen (1-5 pers.)
1 Weej hange van snuupkes an mekaar! 382,5 ptn.
2 De ruut gebroke 377,5 ptn.
3 Ik stoj ien de krânt 367,5 ptn.

Jeugd Grote Groepen (6-.. pers.)
1 Mit de disoballe op de kop, gaon weej dizze vastelaovend veurop! 390,0 ptn.
2 SuperFeestRacer 347,5 ptn.

Eenlingen en Paren
1 De baend 395,0 ptn.
2 Zette gillie same mit Huubse Leen Luuëne òp zien kop? 392,5 ptn.
3 Voetbal kieke 385,0 ptn.

Kleine Groepen (3 t/m 12 pers.)
1 Alles draejt um vastelaovend 415,0 ptn.
2 Is de kogel al dur de kerk? 412,5 ptn.
3 Veur 't jeugdkwartet pákke weej 't groeëts án! 390,0 ptn.
4 Boerebrulluft BabyBoom 377,5 ptn.

Grote Groepen (13 - .. pers.)
1 Weej zien goêd ángekòmme 417,5 ptn.
2 Ôk weej hebbe én Schruufke Los!!! 390,0 ptn.
3 Vastelaovesdroeëme 362,5 ptn.

Wagens
1 Pruuke en draejorgelplezier, mit os drankorgel viere weej de vasteloavend hier! 415,0 ptn.
2 Laot ow nie gek make, weej hebbe un Schruufke Los 390,0 ptn.

Jan van Meijel cup
Weej zien goêd ángekòmme

Stimuleringsprijs van de jury
ik stoj ien de krânt
Mit de disoballe op de kop, gaon weej dizze vastelaovend veurop!

Iederieën din mitduut án d'n optocht kan zich opstelle vanaf 13.30 uur.
Vertrek van de optocht is um 14.11 uur.
Zurg dat ge dan alles klaor het um te vertrekke.
De route is as volgt: St. Catharinastraat – Vullingsstraat – Boodenstraat – St. Catharinastraat – Gussenstraat – Albionstraat – Apolloniastraat – Kapelweg – Kerkplein waor d'n òptocht zal werre ontboonde.

An de meense die woeëne án de route, 't vriendeleke verzuuk um tusse 11.00 en 16.00 gen auto's te parkieëre òp straot.

De opstelling is às volgt (en kunde hier te downloaden):
1 Alles draejt um vastelaovend
2 Joekskapel Krom dur d`n Bocht
3 Vastelaovesdroeëme
4 De ruut gebroke
5 Veur 't jeugdkwartet pákke weej 't groeëts án!
6 Tillevisie kieke
7 SuperFeestRacer
8 De baend
9 Mit de disoballe op de kop, gaon weej dizze vastelaovend veurop!
10 Ik stoj ien de krânt
11 Jeugdprins Milan, Jeugdprinses Anna, Jeugdvorst Floor en Jeugdnar Tum
12 Zette gillie same mit Huubse Leen Luuëne òp zien kop?
13 N.N.
14 Weej hange van snuupkes an mekaar!
15 Pruuke en draejorgelplezier, mit os drankorgel viere weej de vasteloavend hier!
16 Weej zien goêd ángekòmme
17 Is de kogel al dur de kerk?
18 N.N.
19 Laot ow nie gek make, weej hebbe un Schruufke Los
20 Boerebrulluft BabyBoom
21 Ôk weej hebbe én Schruufke Los!!!
22 Prins Stan dun Urste, adjudant Kai en adjudant Roel